Djadumingu personal di kabina di KLM lo tene pousanan mas largu, pa demostrá nan malkontentu kontra e plannan ku e aerolínea, pa kòrta den e kantidat di personal di kabina abordo. Ta trata di pousanan di binti minüt pa kada buelo ku ta sali. Den e siman tras di lomba, ya a tene pousanan di dies minüt. E akshonnan ta tuma lugá entre sinkor i diesunor riba tur buelo. For di djadumingu KLM ta bai pone ménos personal di kabina riba buelonan ku destinashon leu.
Segun e sindikatonan debí na desishon akí, no solamente e personal ta sali perhudiká, pero e pasaheronan tambe. Den un deklarashon FNV ta bisa ku tin disponibilidat grandi bou di personal di kabina pa ku e akshon. E desishon pa tuma ménos steward i stewardès na bordo, ta un medida di emergensia pa KLM, debí ku no tin palabrashonnan ku sindikatonan relashoná ku mehorashon di produktividat. Segun FNV, gerensia di KLM no a bisa na riba e desishon unilateral akí.