Jay Z ke kumpra müzik di Prince ku no a sali riba merkado ainda.


Segun TMZ, Jay Z tin planiá pa kumpra e müzik ku no a sali ainda riba merkado, di defuntu Prince. Sinembargo ainda no ta muchu kla kiko e kasá di Beyoncé ke hasi ku e piesanan. E rèper a topa ku Tyka, ku ta ruman muhé di Prince, pa negoshá tokante e piesanan. Segun e wepsait di entretenimentu Jay Z lo a ofresé masoménos 40 mion dòler pa un kantidat deskonosí di piesa. Ounke ku Tyka ta haña e proposishon bon, tur e rumannan di Prince mester duna nan aprobashon pa e benta. Jay Z lo tabata interesá tambe, na poderá di e derechonan pa “streaming” di e diskografia di e kantante difuntu, pa su empresa Tidal.