Kevin Hart ta haña ròl di Papa Pasku den un pelíkula di Disney.


E kómiko Kevin Hart ta den negosashon pa un ròl den un pelíkula di Pasku ku Disney ta desaroyando. Segune revista Variety, Hart lo ta e Papa Pasku den e pelíkula nobo.

Den “Dashin Through The Snow”, e aktor Hart, komo Papa Pasku mester bolbe haña e sintimentu bèrdadero di Pasku serka un ditèktif for di New York, ku tin un relashon difísil ku su yu hòmber. Disney ta den proseso ainda pa buska un direktor di esena pa e pelíkula.

Kevin Hart tabatin un bon aña tras di lomba. E pelíkula “Central Intelligence”, den kua el a aktua ku Dwayne Johnson, a surpasá tur espektativa. Mas den komienso di aña tambe e tabatin éksito ku “Ride Along 2”.

Na e momentu akí Hart ta okupá ku grabashon di “Jumanji”, kaminda e ta aktua ku Jack Black i Johnson. Su obra spesial di teater “Kevin Hart: What Now” tambe ta kanando bon. Na fin di sèptèmber Forbes a kalkulá ku Kevin Hart ta aktualmente e kómiko mas mihó pagá den 2016, ku un entrada kalkulá na 87,5 mion dòler.