Kanyé West ta menasá di bòikòt Grammy.


Si Frank Ocean no ta nominá pa su album "Blonde", Kanye West a menasá di bòikòt Grammy. Asina e artista a bisa su públiko djasabra anochi, durante un konsierto na Oakland. "E album ku mas m'a skucha e aña 'ki t'esun di Frank Ocean," asina West a bisa riba tarima. "Mi ta bisa boso esaki adelantá. Si Ocean no ta nominá den niun kategoria, ami lo no tei presente na Grammy Awards".

Dia 8 di dezèmber awo', lo bira konosí ken ta e nominadonan pa e prestigioso premio Grammy. Sinembargo e chèns ku Frank Ocean lo keda nominá ta hopi chikí, debí ku e artista no a inskribí ni su produkshon "Blonde", ni su album visual "Endless", ku tambe a sali aña pasá, na tempu. Según e revista Billboard, tin algun fuente yegá na e artista, ku ta bisa ku ta pa malu, ela keda sin inskribí su produkshonnan na tempu.