Cuba no ta duna pèrmit pa mas restorant.


Den e kapital kubano Havana por lo pronto no ta bin mas restorant privá. Outoridatnan no ta duna pèrmit mas pa e lugánan di kome, yamá “paladares”. Esaki debí ku hopi biaha, doño di e establesimentunan ta violá lei. “Ta nos deseo pa nan tin éksito, pero nos no ta tolerá ora ku no tin disiplina,” asina visepresidente di direktiva provinsial, Isabel Hamze Ruiz a bisa e korant Granma. Último tempu a hala atenshon di diferente gastrónomo, pasó nan ta stòk produkto kumprá riba merkado pretu (ilegal), ademas nan ta keda sin paga impuesto. Aparte di platonan ekskisito, algun di e ‘paladares’ tin prostituta i droga tambe den menú.

Gobièrnu cubano, ku ainda ta komunista, tin miedu ku demasiado prosperidat ekonómiko di e doñonan di restorant, lo kondusí na intrankilidat sosial. Na Cuba tin mas di 1.700 lugá pa kome den man privá. Durante su bishita na Cuba, Presidente merikano Barack Obama i su famia a kome den restorant ‘San Cristóbal’ i artistanan manera Madonna i Kim Kardashian a yega di kome den e restorant ‘La Guarida’.