
E siman akí e kompania di retnan sosial Twitter, a anunsiá e siman akí posibel retiro di 300 empleado, asina Bloomberg a raportá basá riba fuentenan den e empresa. Segun e fuentenan e kantidat total ainda no ta konosí.
Posiblemente e anunsio ofisial di Twitter lo tuma lugá promé ku anunsiá e sifranan di kuartal. E empresa no ke reakshoná riba rumornan relashoná ku kontenido. Tempu ku e ko-fundadó Jack Dorsey aña pasá a tuma e batuta komo direktor, e mesun kantidat di empleado a ser retirá. E tempu ei 336 empleado a pèrdè trabou. Twitter tin pèrdida pa basta tempu i a purba na redusí gastunan awor ku kresementu den nan benta ta bahando. Resientemenente e empresa a aserká varios banko relashoná ku posibel benta, pero partidonan interesá manera Salesforce, Walt Disney i Alphabet tur a kanselá despues.
E pèrdidanan di Twitter i su kaida riba bolsa den e último diesdos luna ta hasi difísil pa e empresa por paga su empleadonan ku akshon. Debí na esaki ta difísil pa e kompania kompetí ku Google i Facebook. Retiro di empleadonan por yuda drecha nan posishon kompetitivo.