Algemeen Pensioenfonds Curaçao a laga lanta e beslag ku nan a laga pone dia 6 di sèptember 2016, riba kuenta bankario di FEFFIK (Fundashon pa Edukashon i Formashon di Fishi i Kapasitashon). Motibu di e embargo ta ku FEFFIK tabatin un debe di 2.3 mion florin na APC. Di e debe akí FEFFIK a paga mei mion florin. E palabrashon ta ku FEFFIK sigui paga un suma mensualmente den términonan igual pa por kanselá e debe. E suma mensual ku e instituto di fishi mester paga kada luna na APC ta 76 mil florin.
E montante di mei mion florin ku a logra paga na APC ta bini parsialmente for di presupuesto ku e Ministerio di OWCS i un parti for di e supsidio ku FEFFIK ta risibí.