Nashonnan Uní a pidi komunidat internashonal 200 mion dòler, pa yuda viktimanan di e epidemia di Cholera na Haiti ku a start na 2010. E sosten finansiero no ta nifiká sí, ku Haiti no mester paga e plaka bèk. Asina e delegado spesial di Ban Ki-moon, David Nabarro a deklará na New York den e siman akí. "Ta traha akí di un responsabilidat moral pa ku e viktimanan di Cholera na Haiti", asina Nabarro a deklará. Mitar di e 200 mion dòler, lo bai direktamente pa e famianan afektá. Esaki ta masomenos 10 mil dòler pa kada famia. Huridikamente nunka, Nashonnan Uní no a aseptá kulpabilidat pa e epidemia. Gobièrnu di Haiti ta bisa ku ta debí na un soldá di Nashonnan Uní, ku na 2010 tabata malu ora ela bin yuda na e isla, for di Nepal, a trese e malesa. Entretantu na Haiti tin mas ku 50 mil víktima afektá ku Cholera.