Jay Z ta kore kampaña pa Hillary Clinton.


E artista multi mionario di músika rèp, Jay Z lo duna un konsierto den afan pa gana voto pa e kandidato Demókrata Hillary Clinton, asina e wèpsait Buzzfeed a raportá. Ainda fecha eksakto di riba kua e konsierto na Cleveland lo tuma lugá, no ta konosí. E estado di Ohio, kaminda Cleveland ta keda, ta un dje estadonan indesiso den elekshon presidensial na Merka. Pues no tin klaridat si e mayoria Repúblikano o Demókrata. E konsierto di Jay Z, mester sirbi pa konvensé hobennan afromerikano, pa vota pa Hillary Clinton. Ya kaba Jay Z i su kasá Beyoncé a deklará algun tempu pasá ku nan ta sostené e kandidato Clinton. Jay Z no ta e úniko artista ku a demostra sosten pa Hillary Clinton. Fin di luna awor, Jennifer Lopez tambe lo duna un konsierto durante e kampaña di Clinton na Miami, den e afan pa konvensé latinonan den e siudat pa basha nan bala riba e kandidato Demókrata.