Presidente filipino ke ‘divorsiá’ for di Merka.


E presidente filipino Rodrigo Duterte ke kibra lasonan ekonómiko i militar ku Merka. Esaki e la bisa durante un bishita di estado na China. Duterte a biaha ku 200 komersiante pa un bishita di kuater dia na China. E la papia ku e presidente Chines Xi Jinping pa mehorá e lasonan, awor ku esnan entre Merka i Filipina a bira mas malu. Duterte a bisa durante un diskurso públiko na China, ku e su “divorsio” for di Merka. Awor e ta dependiente di China i komo tal e tambe lo duna yudansa a kambio. Duterte ta konsiderá tambe pa bishitá, e presidente ruso Vladimir Poetin. Filipina i Merka pa hopi tempu tabata aliado i partner den komersio. For di momentu ku Duterte a bira presidente, el a indiká di ke ta ménos dependiente di Merka. Duterte a haña hopi krítika pa su maneho fuerte kontra kriminalnan di droga i adiktonan. Durante di su kampaña pa elektoral e aña akí, e guera kontra droga tabata e punto mas fuerte. Na yüli Duterte a bira presidente i for di e momentu ei ya tabatin sigur tres mil víktima mortal den e bataya kontra droga. E bishita di Duterte na China tin komo meta pa mehorá e lasonan ku a fria pa motibu di tenshonnan den sùit di e laman Chines. China ta reklamá un parti grandi di e teritorio, inkluso e refnan ku ta serka di e kosta filipino. E minister di komersio filipino a indiká kaba ku tin 12mil miar na dilnan nobo. E intenshon ta pa Filipina kuminsá eksportá produktonan di agrikultura pa China i a kambio China ta finansiá trabounan grandi di infrastruktura na Filipina.