E uruguayo Luis Suares a risibí e Sapatu di Oro komo e tòp goliadó di europa pa e temporada 2015/2016. E atakante di 29 aña, dje ekipo FC Barcelona, a skor 40 gol den e promé divishon. E la risibí e trofeo for di man di su dos yunan. Esaki ta e di dos bia ku Suarez a gana e Sapatu di Oro. Na 2014 tambe Suarez a gana e premio komo hungadó di e ekipo di Liverpool, pero e mester a kompartí e prestigioso premio e tempu ei, ku Cristiano Ronaldo, ku den e temporada ei a skor mes tantu di gol, esta 31. Ronaldo a gana e premio 4 bia. Lionel Messi, ku ta kompañero di ekipo di Suarez den FC Barcelona, a gana e premio tres bia. Na momentu ku e la risibí e premio e la pone énfasis pa yama danki na su kompañeronan di ekipo Neymar i Messi, "paso sin nan lo mi no a logra e premio,” e fútbòlista a deklará. Segun Luis Suarez, nan a hasié fásil pa e por logra hinka gol.