Ellen DeGeneres ta desmentí rumornan di divorsio.


Den un entrevista pa e revista People, e polular presentadó Ellen DeGeneres a bisa ku su matrimonio ku Portia de Rossi ta bon estado. Esaki despues ku den último lunanan a lanta basta rumor ku nan lo divorsiá. Degeneres a bisa ku nan tur dos ta konsiderá ku nan tabatin suerte i ku nan ta konta nan bendishonnan. DeGeneres i de Rossi a kasa na 2008. Promé ku esei, nan tabata kuater aña huntu kaba. DeGeneres a sigui bisa ku e no sa kiko ta un matrimonio perfekto pasó e ta wak e totalidat. Den de Rossi e la haña su mihó amiga i e persona ku e ke pasa mas tantu tempu kuné ku kualkier otro, asina e presentadó a splika. Den e artíkulo Ellen a enfatisá ku e tin plan di keda kasa pa hopi tempu i ku niun di dos tin intenshon di bai niun kaminda.