Welek a afektá suministro di koriente di Aqualectra.


Durante e siman aki, tabatin vários área na Kòrsou ku no tabatin koriente pa oranan largu. Ta bin aserka ku e situashon di tempu severo ku bos i welek di djamars anochi bai kue djarason mardugá, tambe a afektá vários area. Entretantu e situashon di koriente ta stabil atrobe, pa loke ta trata kapasidat. Sinembargo debí na dañonan kousá pa welek tin barionan ku ainda tin problema ku koriente. Por ehèmpel diferente bario na banda ariba, Seru Fortuna i algun kas i negoshi partikular. Welek a kai tambe den e lokalidat di Aqualectra na Nieuwe Haven. Pa e motibu aki, trafiko di “mail” i telefòn a kai afo, ademas diferente bario a keda sin koriente pa hopi ora. Entretantu Aqualectra a pone un tim èkstra di téknikonan pa traha riba e situashon. Aqualectra ta pidi usuarionan pa uza koriente di forma efisiente i mantené un poko pasenshi.