Gobièrnu di Ecuador a limitá internèt di Assange (Wikileaks).


Gobièrnu di Ecuador a konfirmá ku nan a limitá akseso na internèt di Julian Assange, despues di ku Wikileaks a públika dokumentonan di e kandidato presidensial merikano Hillary Clinton. Ainda Assange ta biba den e embahada di Ecuador na Londres.

Den fin di siman Wikileaks a públika ku su fundadó Julian Assange no tin akseso kompletu na internèt. Despues di e notisia tokante e akseso limitá na internèt di Assange, mesora a surgi rumornan ku Merka lo a obligá Ecuador pa tuma medida kontra Assange. Sinembargo, gobièrnu di Ecuador a deklará ku nan no ta pèrmití niun pais pone nan bou di preshon. E medida ta mas bien, paso Ecuador no ke meskla nan mes den e proseso elektoral merikano.

Julian Assange di Wikileaks a haña asilo na embahada di Ecuador na Londres, despues ku un wes britaniko a dikta ku por entregá Assange na Suisa. Na Suisa nan ta akusé di delitonan seksual kontra dos hende muhé, pero Assange mes ta kere ku Suisa lo keré pa por entregé na Merka, pa motibu ku Wikileaks a lèk dokumentonan di entre otro ehersito merikano, den pasado.