Beyoncé su orea ta sangra durante konsierto.


Durante un konsierto na Brooklyn, Beyoncé a heridá su orea i esaki a kousa ku el a kuminsá sangra. Segun media merikano, ta parse ku e kousa ta un renchi orea. Na momentu ku e tabata presentá e piesa “Haunted” e la ripara ku tin algu na su orea. E la pasa su man na e orea pero despues di esei a sigui normal ku su presentashon. E presentashon di Beyoncé tabata parti di un konsierto karikativo pa e fundashon Robin Hood. E fundashon ta un organisashon karikativo ku ta purba aliviá e problemanan kousa pa pobresa den e siudat di New York. Otro artistanan ku tambe a presentá na e konsierto ta entre otro Lauryn Hill i Nicki Minaj.