Na Filipina a deskubrí, posiblemente e pèrla mas grandi den istoria. E pèrla tin forma di un piedra grandi i ta pisa masomenos 34 kilo. A deskubrí e pèrla aki 10 aña pasa kaba dor di un piskadó ku a kere ku tabata trata di un piedra komun sin balor. Ofishalnan ta wardando konfirmashon di ekspertonan pa konfirmá ku enbèrdat ta trata aki di un pèrla. Si resultá ku e piedra aki enbèrdat ta un pèrla, lo ta esun mas grandi di istoria. E pèrla ta 61 cm hanchu i 30 cm largu. E pèrla mas grandi ku a deskubrí te ainda tin un peso di 6.4 kilo, un diferensia grandi ku esun ku nan a kaba di deskubrí. A deskubrí ambos formashon den e provinsia Palawan na Filipina.