Puerto Rico ta isla number unu den haf portuario pa barkunan krusero den Karibe. E isla ta sigui ta e destinashonnan mas popular i ta atraé e kruseronan di mas grandi na mundu. E demanda pa ekskurshonnan na Puerto Rico i “tour-nan” diario pa turistanan krusero, tambe a krese mas den último añanan. Puerto Rico su haf portuario prinsipal, e haf di San Juan, a logra un rèkert na pasahero den 2015, ku bishita di 1.5 mion turista. Awor Puerto Rico ta prepará pa kibra su mes rèkert den e temporada 2017/18. Según projekshon e isla ta spera di alkansá 1.6 mion bishitante den e temporada akí. Ta spera ku e kantidat di pasaheronan di haf doméstiko tambe ta krese, awor ku Norwegian Cruise Line a bolbe San Juan, komo haf di kas. Ademas otro liñanan krusero manera, Carnival Cruise Line, Royal Caribbean, Celebrity Cruises i vários otro liña krusero luhoso, tambe tin e isla komo porta di base.
Puerto Rico, lo risibí barkunan di turista di e klase Quantum. Entre otro Carnival Vista i e krusero mas grandi na mundu, Harmony of the Seas (6.780 pasahero), ta planiá pa yega San Juan dia 28 di desèmber. San Juan lo ta tambe e promé siudat ku ta risibí Viking Cruises, ku Viking Star ku ta nabegá entre òktober pa aprel.