Jennifer Lopez ta bin ku álbùm nobo na spañó.


Pa otro aña e kantante latino Jennifer Lopez lo saka un álbùm na spañó, pero ya for di e aña akí e lo lansa e “single” di e produkshon, asina e revista musikal Billboard ta informá. E èks kasá di JLo, Marc Anthony lo produsí e álbùm. Na 2007 tambe, ta Marc Anthony a produsí e álbùm na spañó di Jennifer Lopez titulá “Como Ama Una Mujer”. Na 1999 e duo a hasta skor un hit grandi ora nan a kanta e tema “No Me Ames”, huntu. Segun Jennifer Lopez, e ta ansioso pa kuminsá e biahe musikal latino atrobe. “Mi ta asina kontentu i mi tin gana pa bolbe selebrá mi raisnan latino”, Lopez a bisa Billboard.