Argentina ke bolbe èkportá karni pa Merka.


Sekretario di Agrikultura i Ganadería na Argentina, Ricardo Negri, a anunsiá ku na novèmber, Merka lo por habri importashon di karni argentino. Gobièrnu di Argentina ta buska pa rekuperá un merkado klave pa e industria nashonal di karni. E funshonario a biaha pa Merka, kompañá pa e agregado agríkola di embahada argentino, José Molina. Nan ke trata na avansá den e negosashonnan pa por rekuperá e merkado mas lihé posibel. E instituto pa promoshon di karni vakuná argentino (IPCVA) i e Ministerio di Agro-industria di Argentina a partisipá den un reunion ku e Konseho di Importashon di karni na Merka (MICA), a tene ku paisnan ku ta proveé karni vakuná. Un mishon di Servisio di Inspekshon i Seguridat Alimentario di Estadonan Uní (FSIS, abreviashon na ingles) lo bishitá Argentina na novèmber pa ouditá e sistema di trabou di Senasa i verifiká kumplimentu ku e normanan eksigí. Ku entrada di karni vakuná na Merka, ta habri tambe e posibilidat pa eksportadónan lokal argentino por yega te asta na Canada, via di hafnan merikano.