Abogadonan ku ta trahando riba herensia di e kantante Prince, a kalkulá ku e material musikal wardá den e kaha fuerte di artista tin un balor di 32 mion dòler. Asina e revista Billboard a publiká. Den un dje kaha fuertenan den e studionan di Prince, tin vários ora di müzik, di e añanan ku a pasa wardá. Parti di material nunka promé no a keda publiká. No ta muchu ainda, ken tin e derechonan riba e material, debí ku Prince a traha bou di vários kas diskero, ademas el a produsí tambe komo artista independiente. E proseso pa determiná ken ta e herederonan di Prince, ta andando ketu bai. Tur kos ta indiká ku e ruman muhé di Prince, Tyka i sinku otro ruman lo bin na remarke pa heredá loke e artista a laga atras. Sinembargo ainda wes mester kaba di disidí si algun aktu prima i primu di Prince, tambe tin derecho riba e herensia dje artista.