
Den wega elektrisante e selekshon di fútbòl di Kòrsou ta gana di Puerto Rico i pasa pa e siguiente buelta den Gold Cup di FIFA. Durante di e promé tempu reglamentario, e selekshon di Kòrsou a kai atras 2 pa nada. Sinembargo Kòrsou, bou di direkshon di Remko Bicentini a reakshoná bon i finalisá wega den un empate 2 pa 2. Esaki a nifiká ku e partido a bai tempu èkstra i ta aki Kòrsou a sa di hinka dos gol mas pa finalisá e partido 4 pa 2. Leandro Bacuna a hinka 2 dos, Feliciano Zusschen unu i Riangelo Janga a hinka un gol.

Ku e viktoria na Puerto Rico, Kòrsou ta pasa komo un isla chikí pa partisipá den Concacaf Gold Cup 2017. E selekshon di Kòrsou lo bai topa entre otro e selekshon di Merka, Mexico i tambe Canada. Gold Cup ta un di torneonan mas importante di FIFA, ku un kobertura mundial di miones di hende ku ta sigui e weganan. Esaki sin duda lo ta tremendo logro i promoshon pa Kòrsou.
