Ekonomia di Trinidad & Tobago ta den zona di peliger.


Segun Promé Minister di T&T ekonomia di e islanan ta den zona di peliger. Dr Keith Rowley a menshoná un seri di proyekto di konstrukshon ku ta na kaminda i ku tin komo meta, pa den tempu kòrtiku, start e ekonomia. Rowley a bisa ku e inisiativanan proponé lo por yuda saka Trinidat & Tobago for di e estado negativo ku nan ta aden ekonómikamente. Ademas e inisiativanan mester resultá den hopi oportunidat pa empleo. E Promé Minister a bisa ku ta e industria di konstrukshon a proba mundialmente di ta stimulá kresementu di ekonómiko, asina e korant Trinidad Guardian a raportá. Rowley a bisa ku T&T su debe a oumentá na 40 bion T&T dòler ku ta ekivalente na 5.97 bion dòler merikano. Esaki a sosodé den e último seis añanan aki, miéntras entradanan ta sigui baha. E debe públiko eksterno ta awor na 23 bion dòler merikano. I e suma aki lo mester paga den kambio merikano, el a añadí. Komentando riba e desaster ku Haiti a sufri debí na orkan Matthew, Rowley a urgi siudadanonan pa bai banko i hasi un donashon. "No ta importá kon malu bo sirkunstansia ta, tin un hende ku tine pió ku bo,” asina e Prome Minister di T&T a deklará.