A haña prenda hòrtá di Kim Kardashian riba kaya.


Un di e prendanan ku atrakadónan a hòrtá for di Kim Kardashian ta bèk. Ta trata di un krus di djamante na balor di 30.000 euro. Segun TMZ, a haña e prenda un dia despues di e atrako ku arma riba e modelo. A haña e prenda riba kaya den besindario di e kas kaminda e krímen a tuma lugá. Aparentemente e atrakadónan lo a laga esaki kai durante nan huída. E wèpsait ta mèldu ku polis franses ta investigando e prenda riba posibel DNA di e kriminalnan. E djamantenan ta un parti chikí di e botin total ku e atrakadónan a bai kuné. Kim Kardashian a entregá un “claim” di 5.6 mion dòler serka seguro.