top of page

Presidente Obama ta deklará estado di emergensia na North Carolina.


Debí na e daño kousá pa orkan Matthew, djaluna anochi, Presidente Barack Obama a deklará estado di emergensia na North Carolina. Esaki ta pone ku organisashonnan federal por drenta akshon den e estado. Ya for di siman pasá e Presidente a deklará estado di emergensia pa Florida i South Carolina, na momentu ku ainda orkan Matthew mester a subi tera. Segun CNN sigur 21 persona na Merka a pèrdè nan bida pa motibu di orkan Matthew. Di e viktimanan 11 tabata di North Carolina.

bottom of page
<