Gerrit Schotte ta hala atras for di funshon públiko. (VIDEO)


Lider polítiko di MFK, Gerrit Schotte den un konferensia di prensa a indiká ku e ta hala atras for di su funshon públiko. “Si ta ami ta e estorbo, pa MFK por ta den un gobièrnu, mi ta dispuesto na hala atras,” asina e lider polítiko ku a haña mas tantu voto a splika prensa. Schotte a konsiderá loke ku ta pasa kun’é komo un pèrsiguishon polítiko i ta konfia ku ora su kaso ta kla, e i su señora lo keda liber di tur akusashon.

Konsiderando ku MFK ta e di dos partido mas grandi, Schotte ta haña ku mester papia ku MFK tambe den e proseso pa yega na un gobièrnu nobo. Sinembargo, el a keda straña ku ya partidonan a firma un akuerdo di disponibilidat, sin ku a papia ku MFK. Segun Schotte, públikamente a keda deklará ku e ta un estorbo i komo tal e ta hala atras, pa mira si lo konsiderá pa duna MFK un oportunidat pa drenta gobièrnu.