MAN, PAR, PNP i PS a firma un akuerdo di disponibilidat pa yega un gobièrnu nobo.


Den oranan di djaluna, e kuater partidonan ku a saka asiento, MAN (4), PAR (4), PNP (2) i PS (2) a firma un akuerdo di disponibilidat pa yega na un gobièrnu nobo pa pais Kòrsou. Durante e reunion, lider di e diferente partidonan Hensley Koeiman, Zita Jesus-Leito, Humphrey Davelaar i Jaime Cordoba a bini huntu pa firma e akuerdo. Aparte di e lidernan, Kenneth Gijsbertha i Jossy Allee komo presidente di MAN tambe ta’tei presente. Ku e akuerdo di disponibilidat, e partidonan lo ke yega na un base di 12 miembro den Parlamentu. Ademas e partidonan a pone, den e akuerdo, ku e posiblidat ta keda habrí pa amplia e base akí. Esta ku mas partido lo por bin aserka pa forma un gobièrnu. Awor ku tin un akuerdo di disponibilidat, partidonan ta bai papia ku otro pa yega na akuerdo di gobernashon.