E aña aki no tabatin konmemorashon, ni selebrashon ofisial di 10 10 10.


Kontrali na añanan anterior, e aña aki no tabatin niun tipo di aktividat riba Plasa Brion pa konmemorá o selebrá 6 aña di pais Kòrsou, komo pais outonomo den reino. Tantu den sentro di siudat, komo na Banda ‘Bou kaminda nòrmalmente sa tin selebrashon tabata ketu. Di parti gobièrnu tampoko no tabatin un indikashon dikon, no a hasi nada e aña aki. Plasa Brion tabata ketu, den Punda tambe tabata ketu i mayoria hende a usa e dia komo un dia liber pa sosegá.