Orkan Nicole den Atlántiko a suak i bira tormenta tropikal djabièrnè. Otro siman djamars pa djarason ta spera ku e sistema ta yega Bermuda. Entretantu, despues di a brasa e kosta di Florida, Georgia i Carolina, orkan Matthew, segun pronóstiko, lo bira bèk den direkshon di Bahamas, komo un tormenta tropikal òf un depreshon tropikal. Di akuerdo ku National Hurricane Center (NHC) na Miami, pa djabièrnè atardi, e sentro di tormenta tropikal Nicole, tabata situá masomenos 365 km (590 km) na sùit di Bermuda. Bientunan máksimo sostené a baha na kasi 65 miya pa ora (100 km/h) ku posibel ráfaganan. Di akuerdo ku meteorólogo Kimberlain, interakshon ku Matthew, lo mester kousa Nicole, pa kuminsá move nòrt-nòrtwest. Ta kalkulá ku e lo bira direkshon nòrt ora bini e interakshon. E siklon lo por suak un tiki mas òf keda den estado stabil komo un tormenta tropikal suak pa dos òf tres dia, despues ku kondishonnan sostené algun reintensifikashon.