A haña estatua kolombiano despues di 80 aña.


Un eskultura sur amerikano ku a disparsé misteriosamente for di un museo kasi 80 aña pasá a keda rekuperá i debolbé na outoridatnan kolombiano. E piesa di serámika a keda identifiká mas promé den e aña aki ora a poné na benta. Un historiadó di arte a ripará algun faktor interesante na momentu ku e tabata investigá e artefakto. E direktor di e museo nashonal di Colombia a konfirmá ku e artefakto enbèrdat tabata forma parti di e kolekshon di e museo, pero e museo no tin niun dokumentashon di kon e eskultura a disparsé na 1939. Habitantenan di e serunan pegá ku di e riu Cauca, den e siglonan promé ku e konkista spañó na añanan 1530, tabata traha e figuranan di serámika akí. A kalkulá ku e estatua aki tin un balor di mas o ménos 13.000 dòler merikano i su rekuperashon ta signifikante. Aparentemente e persona ku tabatin e estatua den su poder a risibí esaki di tata di su pareha kolombiano na 1999. A debolbé e estatua na e embahada kolombiano na Londres.