"Nos selekshon ta bai hunga dilanti un tribuna bashí, pasó tur hende lo ta kansá di kore rònt hinter dia", asina Jean Fransisca, presidente di FFK a reakshoná. Segun Fransisca, FIFA tin un kalendario planeá hopi adelantá i no por kambia e fecha. "E kos aki ta un bèrguensa," e presidente di FFK a bisa. Gobièrnu a bai di akuerdo pa duna sosten den forma di sòru pa polis i siguridat pa e ekiponan. Además lo mira te na unda por yuda kubri sierto gastunan.
Fransisca a splika ku pa e partido di djarason 5 di òktober tin mas ku 200.000 florin envolví. "E kos aki ta dunami gana di yora. No por trata deporte di e manera aki," Jean Fransisca a finalisá.