Angelina Jolie lo no kooperá na un investigashon ku lo por kondusí ku ta akusá Brad Pitt di maltrato di mucha. Jolie i Pitt ta den proseso di divorsio i aparentemente durante un pleitu, e aktor lo a dal nan yu hòmber di 15 aña, Maddox.
FBI i e departamentu di protekshon pa mucha a kuminsá un investigashon, pero Jolie a indiká kaba ku e lo no kooperá, asina TMZ ta informá.
Tin vershon ku Pitt lo a dal Maddox, pero di otro banda tin ta bisa ku Jolie a para mei mei di Pitt i e mucha i ku ta djis su skouder el a alkansá.
E motibu prinsipal ku Jolie lo no koopera ku e investigashon ta pasó e ke protehá su famia. I segun e aktris un kastigu pa Brad Pitt lo no kontribuí na esei.
Siman pasá Pitt i Jolie a bai di akuerdo riba mayoria di e palabrashonnan relashoná ku nan divorsio. Den esakinan a palabrá tambe un areglo temporal di kustodia pa e muchanan.