Ultimamente a konstatá mas kaso ku nòrmal na Kòrsou, di wowítis ku ta saka sanger na lugá di pus.


Dòkternan na Kòrsou ta man yen ku kasonan di wowítis últimamente. Un dje motibunan por ta e hecho ku skol a kuminsá atrobe i muchanan ta pega otro i despues ta pega hende grandi na kas. Periódikamente ta surgi un brote di wowítis na Kòrsou.

Loke ta remarkabel e biaha aki ta algun kaso nobo di e enfermedat. Algún dòkter ku korant Èkstra a papia kun'é ta indiká kasonan di wowítis ku ta saka sanger na lugá di pus. Esaki ta kasonan ekstremadamente peligroso. Aktualmente ta kombati wowítis ku antibiotika. Sinembargo e mihó manera pa evitá e malesa ta di laba man konstantemente. Ademas, si ya e wowo ta afektá, evitá di bai den hende o bai den serkania di tèrsera.