E organisashon gueriyero FARC, a pidi pordon pa un di e krímennan masivo mas grave den historia kolombiano. Den e siman aki, e komandante di FARC, Iván Márquez a entregá habitantenan di e pueblo Bojayá un imágen pretu di Kristu, komo símbolo di rekonsiliashon. “Nunka mas nos lo kousá tipo di dañonan asina teribel,” e kabesante di FARC a primintí. Durante batayanan ku paramilitarnan na 2002, un bòm di e rebeldenan a eksplotá den e misa prinsipal di e pueblo Bojayá, kaminda habitantenan di e pueblo tabata skondi. Den e eksploshon aki 79 hende a pèrdè nan bida i mas ku 100 a sufri herida. Djaluna pasá FARC i gobièrnu kolombiano a firma un akuerdo di pas.