Matthew a bira orkan kategoria 2, ta spera solo awemainta na Korsou.


Den oranan di mardugá Matthew a bira orkan kategoria 2. No opstante ku ainda por spera áwaseru i e kódigo di alerta oraño ta keda na vigor, ta spera ku solo lo sali mainta na Kòrsou. Miéntras ku na Kòrsou, áwaseru den oranan di mardugá pa mainta a keda limitá, na Aruba sí hopi awa ta kaiendo den oranan tempran di djabièrnè mainta riba hinter e isla. Na Bonaire tambe basta awa a kai na vários parti di e isla. Na Aruba i Bonaire a registrá 20 i 25 milimeter di áwaseru den e oranan tras di lomba. No opstante ku Matthew a sigui move i alehá ta spera áwaseru lokal na Kòrsou den e proksimo oranan. E potensial ta ku den oranan di djabièrnè mèrdia i den oranan di atardi. Kodigo oraño ta na vigor ainda. I e servisio di kalamidat di gobièrnu ta urgi tur hende pa no sali kas ainda den kaso ku no ta nesesario. Djabièrnè mainta 11:30 meteo lo saka e proksimo boletin di tempu.