200 presu ta hui for di prizòn na Brazil.


Despues di un rebelion den un prizon na Brasil sigur 200 presu a hui. Media na Brazil a informá ku e prizoneronan na Jardinópolis, un siudat na nort di Sao Paulo, a pega algun edifisio di e prizon na kandela. Den e kandela algun di e prizoneronan a pèrdè nan bida. Segun familiar di e prizoneronan e rebelion a kuminsá debí na e situashon malu den e prizòn. Brazil ta un di e paisnan ku e kantidat mas grandi di prizonero pa kada prizòn. E sèlnan mayoria bia ta demasiado yen i e kalidat di bida ta hopi malu. Entre tantu a detené algun prizonero bèk.