Dos atake ku bòm na Alemania.

Dos diferente atake ku bòm a tuma lugá na e siudat aleman Dresden, segun polis lokal. Un di e ophetivo di e atakenan tabata un moské miéntras e di dos bòm tabatin e sentro internashonal di kongreso di Dresden komo blanko. No a registrá herido, solamente daño na e edifisionan. E bòmnan tabata dos artefakto trahá na kas. Polis ta sospecha ku e atakenan ta relashoná ku otro, pasó ámbos a tuma lugá na mes momentu. Ainda niun hende no a asumí responsabilidat pa e atakenan. Polis na Dresden a informá di ta riba alerta haltu i manda èkstra personal di polis pa protehá institutonan islámiko na e siudat.