Meteo Kòrsou no ta mira motibu pa alarmá pueblo.


Aktualmente (djadumingu atardi) tin un ola tropikal aktivo riba parti sentral di Osean Atlántiko. E sistema aki ta move den direkshon wèst i e tin hopi chèns pa bira un siklon tropikal (tormenta tropikal òf orkan) durante di próksimo dianan. Servisio Meteorológiko Kòrsou ta sigui e desaroyo di e sistema ku hopi atenshon. Den kaso ku e mester bira un menasa pa nos isla, Meteo Kòrsou lo emití atvertensha pa pueblo i outoridatnan di Kòrsou. Ta bon pa tur hende ta na alura kiko un siklon tropikal ta i tambe ki peliger e por trese kun'é. Sigui e boletinnan regular i spesial (den kaso ku esakinan ser emití) pa keda na altura di último desaroyonan tokante nos wer.