
E artista Elton John ta kla pa stòp di traha müzik nobo. E músiko a tuma e desishon aki despues di e benta desepshonante di su último álbùm “Wonderful Crazy Night”. “Mi diskonan no ta bai mas manera pan kayente, pasó hendenan tin sufisiente di mi álbumnan,” asina e kantante a bisa Daily Express. No ta konosí ainda kuantu ehemplar di “Wonderful Crazy Night” a bende. John gusta traha muzik sí, pero e ta haña ku mester laga esei awor den man di e generashon mas yòn. E músiko ta enfatisá ku e lo no stòp di duna presentashonnan i konsierto. Segun e su stèm asta a bira mihó i e ta kanta mihó ku nunka. Dia 22 di novèmber e kantante lo presentá den Ziggo Dome na Amsterdam. E konsierto ta práktikamente kompletamente bendí.