Morgan Freeman lo risibí e distinshon di arte mas haltu na Merka.


Aktor Morgan Freeman lo risibí “The National Medal of Arts” ku ta e distinshon kultural mas haltu na Merka. Presidente Obama lo otorgá e premio aki, segun un informe di Kas Blanku. Ta otorgá e kondekorashon aki tur aña na personanan den e sektor di arte i kultura ku a hasi un aporte eksepshonal na e kultura di Estádos Unidos. Freeman a gana un Oscar na 2004 komo mihó aktor di reparto pa su ròl den e pelíkula “Million Dollar Baby” di Clint Eastwood. Na 1989 e la gana un Golden Globe pa mihó aktor den e pelíkula “Driving Miss Daisy”. Na 1984 a kuminsá ku e premiashon di “National Medal of Arts”. Otro selebridatnan ku a risibí e distinshon aki den pasado ta entre otro e eskritor Stephen King, aktris Meryl Streep i kantante Dolly Parton. Aparte di Freeman e sineasta Mel Brooks i kompositor Philip Glass tambe lo risibí e prestigioso distinshon for di presidente Obama.