top of page

Konsentrashon di SO2 na Kòrsou entre esnan mas haltu na mundu.

E konsentrashon di materia fini i SO2 na Kòrsou ta pertenesé entre esnan mas haltu na mundu segun un investigashon pa promoshon di Erin Pulster di University of South Florida. Den e investigashonnan di Pulster ta ilustrá e emishonnan di Refineria Isla di forma amplio. Na 2015 Pulster a haña su doktorado pa e investigashon aki. “E investigashon ta ilustrá e importansia di mas estudio i maneho di e kalidat di aire aktual na nivel lokal”, segun e konklushon. Aktividatnan pa rafiná ta manda polushon den atmósfera ku ta konsistí di sustansianan ku ta kontaminá aire, sustansianan orgániko volátil, sustansianan kontaminá dañino i otro sustansianan kontaminá.

Den karibe tin mas ku 100 refineria di petrolio i e hirdokarburonan ku ta forma rísikonan signifikante pa tantu medio ambiente komo salú di hende. Un di e rafinaderianan mas bieu den e region ta Refineria Isla. Pulster a indiká ku meta di e estudio tabata pa establesé e nivelnan básiko di emishonnan petro-kímiko. En partikular e asina yama Hidrocarburos aromátiko policíclicos, dioksido di suafel (SO2) i tambe e materia partíkula (PM10) ku por ser inhalá. Pulster ta bisa ku e data ku a uza ta entre e temporada di yüni 2010 pa desèmber 2014. Dia 14 di sèptèmber último a publiká e estudio “online”.

bottom of page