Venezuela a detené un tim di televishon di Al Jazeera.


Outoridatnan Venezolano a detené un tim di televishon di e agensia di notisia Al Jazeera na aeropuerto international di Maiquetía, pafó di Caracas i ta plania pa ekspulsá nan, asina un sindikato di periodistanan lokal a indiká. E trahadónan di Al Jazeera, ku a yega e pais riba un buelo for di Colombia, mester keda deportá bèk pa Bogotá. "Teresa Bo ku ta koresponsal, Lagmi Chavez ku ta produktor i un kamarógrafo di AlJazeera tur a keda detené i a konfiská nan ekiponan. Ta sospecha e periodistanan di Al Jazeera di ta sostené oposishon na Venezuela debí ku nan tabatin e intenshon pa bai filma e resiente marcha di protesta kontra presidente Maduro. Den ougùstùs, envíadonan di Nashonnan Uní i raportadónan speshal Inter-Amerikano riba libertat, a indiká nan preokupashon pa ku e deterioro di libertat di prensa na Venezuela. Hopi miembro di prensa na Venezuela ta bou di un preshon kresiente di gobièrnu.