Na Bélgika esaki a sosodé pa promé bia, ku un mucha ta muri pa medio di eutanasia. Huridikamente e posibilidat aki ta eksistí for prinsipio di 2014, pero no a rekurí na e lei aki anteriormente den kaso di mucha. Bélgika ta e úniko lugá na mundu ku tin posibilidat di eutanasia pa tur mucha (menor di edat). Afortunadamente ta masha poko mucha tin ku ta bini na remarke, pero esei no ke men ku nos tin mag di kita for di nan e posibilidat di muri na un manera digno. Esaki ta loke e korant di Amberes, Het Nieuwsblad ta skibi. E dòkter ku a ehekutá e eutanasia, a entregá tur dokumentu di e kaso na un komishon di evaluashon i kontrol pa eutanasia. E dokumentunan a bai pa profesor Wim Distelmans ku ta presidente di e komishon. No ta konosí kuantu aña e mucha tabatin. E tabata sufri di un malesa terminal. Ampliashon di e lei di eutanasia di 2002, tei kaba sigur dos aña i mei. For di momentu ku a aprobá e lei ku ta pèrmití eutanasia serka mucha na Bèlgika, a bini hopi krítika den e país i den eksterior.