Yurendell de Caster klave den viktoria pa Ulanda kampionisá.


Coach Steve Janssen tabata sumamente kontentu djadumingu anochi, despues ku e hungadónan di selekshon di Reino Ulandes a gana di Spaña pa bira kampion europeo pa di 22 bia. "Sinku minüt pasá mi no por a kontrolá mi emoshonnan, aworaki sí. Ta hopi bunita pa terminá siman asina’ki” segun un Jansen eufóriko a bisa Ziggo Sport, na final di e wega den Hoofddorp na Den Haag. E selekshon di beisbòl oraño a keda invikto den Kampionato Europeo durante e siman i mei ku a pasa. Nan a gana tur partido di nan pul i kaba e trabou djadumingu kontra Spaña. "Nos no tabatin niun eror pa loke ta trata picheo", segun Jansen. "Podisé nos por tabata mihó den ofensiva, pero e pichernan di Spaña tabata fantástiko. Kon ku bai bin, nan tin un bon ekipo, pero nos tambe i riba tur área.”

Ulanda tabatin mester di un prolongashon kontra Spaña pa gana nan. Yurendell de Caster a mustra su balor ora ela bati oportuno ku basenan yen. "Nos tabatin e batidó mas konsistente na plato, den e kampionato. E la sigui ku e mesun pia i e konsekuensha ta ku nos tur por fiesta. Si e fiesta ei ta bai dura largu? Wèl, pa mi sigur ku sí” Jansen a terminá bisando.