FIFA ta suspendé timnan di Guatemala.


Fifa lo suspendé e federashon di futbòl di Guatemala, Fefefut, debí na un disputa tokante interferensha polítiko. Fifa a bisa ku outoridatnan lokal a intervení pa perhudiká un komité asigná pa manehá e deporte di fútbòl den e pais, ku komo konsekuensia un skandal di korupshon ku a surgi. Lo ekskluí e tim nashonal i tur klup di e pais for di tur kompetensha internashonal. Un èks presidente di Fedefut a deklará su mes kulpabel na yüli pa kargonan di chantahe despues di a risibí míles di dòler di soborno pa otorgá derechinan di merkadeo lukrativo serka un kompania establesé na Florida. Esaki tabata pa e partidonan di kualifikashon di Guatemala pa Kopa Mundial. Despues di su aresto a pone un komité pa supervisá Fedefut. Reguladornan di deporte na Guatemala a suspendé e komité en kuestion pa motibu ku nan lo no a uza prosedura korektamente pa supervisá hungadónan sanshoná pa doping. Fifa ta haña esaki e interferensia inaseptabel. Guatemala lo no por kompetí na nivel internashonal i lo stòp apoyo finansiero i tambe kursonan di training. Fedefut lo por spera un karta di konfirmashon pronto. E suspenshon lo sigui na vigor te na momentu ku permití un komité di Fifa ópera atrobe. Guatemala a keda deskualifika kaba pa Kopa Mundial 2018, pero den e último partido di e ekipo, Carlos Ruiz a bira e hungadó ku a skor mas tantu den kualifikashonnan di Kopa Mundial den historia, ku 5 gol pa un total di 38 den su karera.