Canada ta asistí Belize ku maneho di defensa meimei di tenshon ku Guatemala.


Canada ta asistí Belize ku maneho di defensa, mientras tin tenshon entre e pais sentroamerikano i su bisiña Guatemala. Motibu di esaki ta e matamentu di un hobensitu di 13 aña dor di sòldánan di Belize. Feliz Enrique, CEO di Ministerio di Defensa di Belize, a splika ku nan ta konsultando Merka i Gran Bretania tambe. Belize ta involví den un disputa di frontera ku Guatemala, ku a manda 3.000 trupa na luna di aprel na e teritorio den disputa, despues ku a tira e hoben di 13 aña mata. Outoridatnan di Guatemala ta reklamá ku sòldánan di Belize a ataká e hóben i su famia, miéntras nan tabata planta banda di e frontera. Pero gobièrnu di Belize ta bisa ku forsanan di seguridat ku ta investigá okupashon di propiedat ilegal di tera den un parke nashonal, a detené un hòmber guatemalteko. Despues di esei, tabatin tiramentu riba e patruya di Belize, ku a tira bèk den nan direkshon den defensa propio. A bin haña kurpa di e hóben su siguiente mainta. Dia 19 di mei, Belize a akusá trupanan di Guatemala di sekuestro di un kunukero di Belize. A pidi Organisashon di Estadonan Amerikano (OAS), pa investigá otro insidentenan di tiramentu na e frontera ku Guatemala. E tiramentunan ta e mas resien insidentenan den e disputa ku e dos paisnan tin. Guatemala ta eksigí parti di teritorio ku Belize ta goberná. Outoridatnan militar haltu di Belize a yega Ottawa pa algun reunion i pa nan por risibí konseho di Departmentu di Defensa Nashonal i Forsanan Kanades tokante nan strategia di defensa den futuro. Saina Ottwa Citizen a raportá : “Belize ta di gran importansia pa e gobièrnu kanades dor di e kresiente situashon prekario di inseguridat na sentroamérika, partikularmente na e frontera di Belize-Mèksiko,” asina e departamentu a bisa for di mart 2012 den un nota breve prepará pa e minister di defensa, di e tempu ei, Peter MacKay.