Errol Cova : "Wèlga general na Kòrsou a tèrminá!" (oudiovisual)


Despues di a reuní ku gobièrnu den oranan di atardi sèn a sali pa paga e trahadónan 1.8 mion florin di lumpsum na e trahadónan di Isla ku ta den akshon pa algun siman kaba. Den oranan di atardi na sede di SSK kaminda e lidernan a bin ta konsentrá durante e último dianan, Errol Cova a papia ku e trahadónan riba resultado di e reunion. Aparte di e pago na trahadónan di Isla, sindikatonan a logra ku Minister di Hustisia Nelson Navarro a komprometé ku lo anulá e dekreto, den kua a prohibí e sindikatonan pa manifestá manera nan tabata ke. A logra tambe ku ta wanta e lei den kua sindikatonan ta sinti ku ta mina nan derechi. Durante un luna partidonan lo sinta na mesa pa mira kon ta bai atendé ku e lei.

Den su deklarashon e konsehero sindikal Errol Cova a deklará ku sektor privá lo stòrt e suma di 1.8 mion florin pa mas tardá djabièrnè, di manera ku e sindikato mes por pasa ofer na paga e trahadónan nan lumpsum. Esaki ta nifiká ku ofisialmente e wèlga general a tèrminá i a palabrá ku pa 8or di anochi lo firma pa ofisialisá e akuerdo entre partidonan. “Awe Kòrsou su trahadónan a demostrá ku por tin un paro general,” asina Errol Cova a deklará finalmente. Aki por skucha deklarashon ofisial di Errol Cova.