Masomenos 300.000 persona na Mexico a subi kaya den fin di siman pa demostrá kontra matrimonio homo. Segun organisadónan di e manifestashon e kantidat a surpasá 300.000. E manifstantenan ta kontra un proposishon di lei pa pèrmití kasamentu homo den henter e pais. Tabatin marcha di protesta den entre otro na Siudat di Méxiko, Veracruz i Puebla, kaminda gruponan konservativo a haña sosten di vários arzobispo.
Presidente di Méxiko, Enrique Peña Nieto, ke introdusí un kambio den konstitushon. Den esaki ta inklúi ku kada forma di deskriminashon ta kastigabel, ta garantisá derechi igual pa tur hende i ta enserá entre otro legalisashon di matrimonio homo den henter e pais. Te ainda esaki ta pèrmití unikamente den e kapital i tres otro siudat, di e 33 siudatnan den e pais.