Mas ku 250 rèptil den maleta na Schiphol.


A haña 4 maleta na Schiphol, yena ku rèptil. E maletanan tabata di 3 spañó ku kier a transportá e bestianan di kontrabanda for di Mexico. Inspektornan a haña sigur 259 rèptil, for di kua 10 a muri. Ta trata di entre otro kolebra, lagadishi i morkoinan eksotiko. Tur e rèptilnan huntu tin un balor di sigur 80.000 euro. Benta di animal, espesial esnan ku ta protehé, ta mara na reglanan strikto internashonal segun e tratado -CITES, (Convention on International Trade in Endangered Species). Gran mayoria di e rèptilnan ku a haña ta animal protehé segun e tratado akí. Manera e chukwalla, ku ta un espesie di lagadishi ku ta biba únikamente riba isla mehikano San Esteban. A konfiská tur e bestianan.