Lo kosta 1.2 mion euro pa restourá e "Gouden Koets."


E kostonan pa restourashon di e "Gouden Koets" di trono ulandes, te ku awor ta kalkulá na 1.2 mion euro riba e presupuesto. Segun Bert Wassenaar, ku ta esun enkargá i ku a menshoná e montante den un konferensha di prensa, esaki ta un promé kalkulashon, basá riba e kostonan pa restourashon di un kareta ku a keda hasí den pasado. A desmantelá e Gouden Koets i a studia e diferente partinan individualmente. Den e siguiente fase lo mester pidi oferta pa e trabou di restourashon. Den pasado e proseso di restourashon di e Glazen Koets a tuma 7 aña. Rei Willem-Alexander lo paga e restourashon for di su propio presupuesto. Anteriormente promé minister Mark Rutte no por a bisa kuantu e restourashon lo bai kosta finalmente.