FIFA a suspendé èks vise-presidente, Jeffey Webb pa bida largu.


FIFA a raya su èks vise president, Jeffrey Webb, di Cayman Island pa bida largu for di fútbòl. Ademas e organisashon a imponé un but di 1 mion dòler pa e anterior presidente di tantu CIFA komo CONCACAF. Den un deklarashon resien e komishon di étika di FIFA a anunsiá e rayamentu pa bida largu di Webb for di fútbòl i a bisa ku e ta kulpabel di violashon di vários reglanan di FIFA i kódigo di étika di e organisashon. Webb ya kaba a atmití un kantidat grandi di ofensanan relashoná ku froude durante su presidensia. Jeffrey Webb te ainda ta bou di “detenshon di domisilio” (huisarrest) na Merka, mietras e ta warda riba su sentensia ku lo ta na luna di novèmber 2016. Entretantu tin hopi pregunta sin kontesta ainda, pa sa kon eksaktamente Cayman Islands Football Association (CIFA) su fondonan por a keda afektá dor di Webb su aktividatnan, dilnan ku el a sera i transakshonnan finansiero ku a tuma lugá, huntu ku e anterior tesorero di CIFA, Watson i otro ofisialnan di CIFA.